Plantun de Prouvènço

Pèr coumpara dos planto d'encò nostre

Euphorbia nutans & Fraxinus excelsior

Euphorbia nutans

Euphorbiaceae

Nom en français : Euphorbe penchée.

Descripcioun :
Aquesto lachusclo, que nous vèn di Caraïbo, a li fueio óupousado, dentado e souvènt tacado de roujo (fotò). Li boursèu soun lisc e sènso péu, li glando blanco. La fueio a quàuqui péu un pau long , mai pas gaire. Trachis dins li relarg safrous de vigno.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : Pancaro entresigna
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Euphorbia
Famiho : Euphorbiaceae

Ordre : Malpighiales

Coulour de la flour : Blanco
Petalo : ges
Ø (o loungour) flour : Pancaro entresigna
Flourido : Estiéu

Sòu : Si
Autour basso e auto : 0 à 400 m
Aparado : Noun

Liò : Champ - Escoumbre e proche dis oustau - Terraire safrous
Estànci : Termoumediterran à Mesoumediterran
Couroulougi : Pancaro entresigna
Ref. sc. : Euphorbia nutans Lag., 1811

Frais

Fraxinus excelsior

Oleaceae

Àutri noum : Frau, Fraich, Fraiche, Fraisse, Frais-mascle.

Nom en français : Frêne commun.

Descripcioun :
Lou frais es un aubre de mountagno que trachis dins li relarg umide en terro prefoundo. Se recounèis à si bourroun negre e óupousa, à si fueio coumpausado de 5 à 11 fueioun denta e pounchu, e peréu à soun fru que ié dison "lengo d'aucèu".

Usanço :
Emé la ligno de frais se fai li manche d'óutis. Li fueio (e li fru) soun couneigudo pèr lucha contro lou mau-d'os e ajuda à pissa. Faire bouli uno pougnado, pièi après infusioun, béure emé de jus de limoun. Dins d'ùni endré, li jóuini fru soun manja après èstre esta bouli dous cop. En Franço s'adoubo uno bevendo, la freineto, emé li fueio cuberto de melado (producho pèr li nieroun).